Aðrir viðburðir

Viðmiðunarfjárhæðir og tilboðsfrestir

Viðmiðunarfjárhæðir

Kveðið er á um viðmiðunarfjárhæðir vegna innkaupa í III. kafla, 23. gr. laga um opinber innkaup nr. 120/2016. Þar segir:

"Öll innkaup opinberra aðila á vörum og þjónustu yfir 15.500.000 kr. og verkum yfir 49.000.000 kr. skal bjóða út og gera í samræmi við þau innkaupaferli sem nánar er kveðið á um í IV. kafla. Viðmiðunarfjárhæðir vegna innkaupa á opinberum þjónustusamningum um félagsþjónustu og aðra sértæka þjónustu skv. VIII. kafla skulu fara eftir 4. mgr."

Hvernig myndast útboðsskyldan?

Þegar útboðsskylda er metin er miðað við kostnaðaráætlun. Kostnaðaráætlun skal innihalda áætlað innkaupsverð án vsk. á vöru og eða þjónustu á allan samningstímann.

Hvað þýðir það?
Ef gera á samning um t.d. lögfræðiþjónustu til eins árs og áætlað innkaupsverð innkaupa er undir 15.5 milljónum eru kaupin ekki útboðsskyld. Engu að síður ber opinberum aðilum að viðhafa samkeppni við þessi innkaup með t.d. verðfyrirspurn meðal helstu lögfræðistofa/þjónustuveitenda. Sé áætlað virði hins vegar umfram viðmiðunarfjárhæð, skal fara í útboð. 

Sé áætluð fjárhæð eingöngu 7 milljónir (án vsk) króna á árinu en viðkomandi hyggst gera samning til 3 ára, er heildarvirði samnings 3 x 7 milljónir eða samtals 21 milljón og innkaupin þarafleiðandi útboðsskyld ekki bara innanlands heldur skal auglýsa á EES. Ef gera á samning til árs, en með framlengingarákvæði 2 x 1 ár, er heildarlengd samnings 3 ár og áætlað heildarvirði hans líka 21 milljónir og útboðsskylt.

Stofnanir sem eru á A-hluta fjárlaga mega mest gera 5 ára samninga (eða fá heimild Alþingis). En séu samningar annarra t.d. ótímabundnir, þá er reiknað með 4 ára samningstíma.

Viðmiðunarfjárhæðir vegna opinberra innkaupa á Íslandi - Gilda frá 28. október 2016


Kaupandi

Gerð innkaupa Viðmiðunarfjárh. í ISK án vsk.
Opinberir aðilar að meðtöldum sveitarfélögum, stofnunum þeirra, öðrum opinberum aðilum á þeirra vegum eða samtökum sem þessir aðilar kunna að hafa með sér.
ATH - Þetta tekur gildi fyrir sveitarfélög frá 31. maí 2019

Vörukaup og þjónusta

kr. 15.500.000,-
Sjá nánar í stjórnartíðindum Verkframkvæmdir kr. 49.000.000,-

Viðmiðunarfjárhæðir vegna opinberra innkaupa á Evrópska efnahagssvæðinu (EES)   
Gilda frá 1. nóvember 2016

Kaupandi Gerð innkaupa Viðmiðunarfjárh. í ISK án vsk.
Opinberir aðilar að frátöldum sveitarfélögum, stofnunum þeirra, öðrum opinberum aðilum á þeirra vegum eða samtökum sem þessir aðilar kunna að hafa með sér. Vörusamningar og þjónustusamningar kr. 20.811.600,-
Verksamningar kr. 805.486.600,-
Sveitarfélög, stofnanir þeirra, aðrir opinberir aðilar á þeirra vegum og samtök sem þessir aðilar kunna að hafa með sér. Vörusamningar og þjónustusamningar kr. 32.219.440,-
Verksamningar kr. 805.486.600,-
Viðmiðunarfjárhæðir vegna kostnaðarþátttöku opinberra aðila, sbr. 14. gr. laga um opinber inn­kaup Þjónustusamningar kr. 33.322.856,-
Verksamningar

kr. 805.486.600,-

Viðmiðunarfjárhæð vegna innkaupa á opinberum þjónustusamningum um félagsþjónustu og aðra sértæka þjónustu samkvæmt VIII. kafla laga um opinber innkaup, sem gerðir eru af opinberum aðilum

Þjónustusamningar

Kr. 115.620.000,-
 Reglugerðin á vef Stjórnartíðinda    

Um innkaup undir innlendum viðmiðunarmörkum

24. gr. laganna fjallar um innkaup undir innlendum viðmiðunarfjárhæðum. Þar segir:

"Við innkaup undir þeim viðmiðunarfjárhæðum sem tilgreindar eru í 1. mgr. 23. gr. skal kaupandi ávallt gæta hagkvæmni og gera samanburð meðal sem flestra fyrirtækja. Slíkur samanburður skal jafnan gerður með rafrænum aðferðum. Við þessi innkaup skal gæta að samkeppni og virða jafnræðisreglu 15. gr., svo og ákvæði 49. gr. um tæknilýsingar."

Sjá leiðbeiningar og verðfyrirspurnarform á vef Ríkiskaupa.

Tilboðsfrestir

Timafrestir-utboda

Smellið á myndina til að sjá stærri

Fyrirspurnar - og svarfrestir

Frestur til að skila inn fyrirspurnum: 9 dagar
Frestur til að svara fyrirspurnum: 6 dagar.