Viðmiðunarfjárhæðir og tilboðsfrestir
Viðmiðunarfjárhæðir
Kveðið er á um viðmiðunarfjárhæðir vegna innkaupa í III. kafla, 23. gr. laga um opinber innkaup nr. 120/2016.
Óheimilt er að er að skipta upp verki eða innkaupum á vöru, verki eða þjónustu í því skyni að innkaup verði undir viðmiðunarfjárhæðum nema slíkt sé réttlætanlegt á grundvelli hlutlægra ástæðna. Sjá nánar 25. gr. OIL um útreikning á virði samnings.
Þegar innkaupum á fyrirhuguðu verki eða þjónustu er skipt upp í fleiri sjálfstæða samninga skal miða við samanlagt virði allra samninganna. Sama á við þegar innkaupum á vöru af svipaðri tegund er skipt upp í fleiri sjálfstæða samninga. Sé samanlagt virði allra samninganna yfir viðmiðunarfjárhæðum skal líta svo á að verðgildi hvers og eins samnings sé einnig yfir viðmiðunarmörkum. Þrátt fyrir að heildarvirði samninga sé yfir viðmiðunarfjárhæðum er heimilt að gera einstaka samninga án útboðs fyrir allt að 20% af samanlagðri heildarfjárhæð allra samningshluta ef áætlað verðmæti viðkomandi samningshluta, án virðisaukaskatts, er lægra en 12.023.000 kr. vegna vöru eða þjónustu og 150.299.000 kr. vegna verks.
Viðmiðunarfjárhæðir vegna opinberra innkaupa á Íslandi - Gilda frá 09.03.2022
|
Kaupandi |
Gerð innkaupa | Viðmiðunarfjárh. í ISK. án vsk. |
| Opinberir aðilar að meðtöldum sveitarfélögum, stofnunum þeirra, öðrum opinberum aðilum á þeirra vegum eða samtökum sem þessir aðilar kunna að hafa með sér. Þetta tók gildi fyrir sveitarfélög frá 31. maí 2019 |
Vörukaup og þjónusta | 18.519.000 |
| Verkframkvæmdir | 58.543.000 |
Viðmiðunarfjárhæðir vegna opinberra innkaupa á Evrópska efnahagssvæðinu (EES) - Gilda frá 09.03.2022.
| Kaupandi | Gerð innkaupa | Viðmiðunarfjárh. í ISK. án vsk. |
| Opinberir aðilar að frátöldum sveitarfélögum, stofnunum þeirra, öðrum opinberum aðilum á þeirra vegum eða samtökum sem þessir aðilar kunna að hafa með sér. | Vörusamningar og þjónustusamningar. | 21.041.000 |
| Verksamningar. | 808.914.000 | |
| Sveitarfélög, stofnanir þeirra, aðrir opinberir aðilar á þeirra vegum og samtök sem þessir aðilar kunna að hafa með sér. | Vörusamningar og þjónustusamningar. | 32.314.000 |
| Verksamningar. | 808.914.000 | |
| Viðmiðunarfjárhæðir vegna kostnaðarþátttöku opinberra aðila, sbr. 14. gr. laga um opinber innkaup. | Þjónustusamningar. | 32.314.000 |
|
Verksamningar. |
808.914.000 | |
| Viðmiðunarfjárhæð vegna innkaupa á opinberum þjónustusamningum um félagsþjónustu og aðra sértæka þjónustu samkvæmt VIII. kafla laga um opinber innkaup, sem gerðir eru af opinberum aðilum. | Þjónustusamningar. |
112.724.000 |
Reglugerð 360/2022 .
Viðmiðunarfjárhæðir vegna innkaupa aðila sem annast vatnsveitu, orkuveitu, flutninga og póstþjónustu - Gilda frá 09.03.2022.
| Kaupandi | Gerð innkaupa | Viðmiðunarfjárh. í ISK. án vsk. |
|---|---|---|
| Aðilar sem annast vatnsveitu, orkuveitu, flutninga og póstþjónustu. | Vöru- og þjónustusamningar og hönnunarsamkeppnir. | 64.779.000 |
| Aðilar sem annast vatnsveitu, orkuveitu, flutninga og póstþjónustu. | Verksamningar. | 808.914.000 |
| Aðilar sem annast vatnsveitu, orkuveitu, flutninga og póstþjónustu. | Þjónustusamningar um félagsþjónustu og aðra sértæka þjónustu sem talin er upp í XVII. viðauka. | 150.299.00 |
Reglugerð um innkaup aðila sem annast vatnsveitu, orkuveitu, flutninga og póstþjónustu. (br. á rgj. 340/2017 nr. 358/2022)
Sömu upphæðir gilda einnig fyrir stofnanir á sviði varnar og öryggismála jafnt innanlands sem á EES. (br. á rgj. 845/2014 nr. 359/2022)
Sérleyfissamningar
Sérleyfissamningar um verk eða þjónustu yfir viðmiðunarfjárhæðum Evrópska efnahagssvæðisins. (br. á rgj. 950/2017 nr. 361/2022) Reglugerðin gildir um sérleyfi þar sem áætlað verðmæti samnings, án virðisaukaskatts, er jafnt eða meira en 808.914.000 kr.
Tilkynningar um sérleyfi skv. 32. gr. skal einnig auglýsa opinberlega á útboðsvef (utbodsvefur.is) sem er sameiginlegur auglýsingavettvangur fyrir opinber útboð.
Um innkaup undir innlendum viðmiðunarmörkum
24. gr. laganna fjallar um innkaup undir innlendum viðmiðunarfjárhæðum. Þar segir:
„Við innkaup undir þeim viðmiðunarfjárhæðum sem tilgreindar eru í 1. mgr. 23. gr. skal kaupandi ávallt gæta hagkvæmni og gera samanburð meðal sem flestra fyrirtækja. Slíkur samanburður skal jafnan gerður með rafrænum aðferðum. Við þessi innkaup skal gæta að samkeppni og virða jafnræðisreglu 15. gr., svo og ákvæði 49. gr. um tæknilýsingar.“
Sjá leiðbeiningar og verðfyrirspurnarform
Tilboðsfrestir
Fyrirspurnar - og svarfrestir
Frestur til að skila inn fyrirspurnum: 9 dagar.
Frestur til að svara fyrirspurnum: 6 dagar.