Ríkiskaup leita að sjúklingaíbúð fyrir Barnaspítala Hringsins til kaups

Barnaspítali Hringsins óskar eftir að kaupa 3ja herbergja íbúð fyrir sjúklinga og aðstandendur þeirra í göngufæri við spítalann.

Íbúðin skal vera nýleg eða uppgerð 3ja herbergja 70 – 95 m² að stærð og staðsett í námunda við Barnaspítalann en æskilegt að það sé innan eins kílómetra radíus.

Aðgengi skal vera gott og íbúðin hönnuð í samræmi við algilda hönnun fyrir fatlaða. Íbúðin skal vera í lyftuhúsi eða á jarðhæð með sérinngangi í nýlegu eða uppgerðu viðhaldslitlu húsi, fullbúin til innflutnings, með innréttingum, hurðum og gólfefnum.

Æskilegt er að dagsbirtu njóti sem best og aðgengi að sameiginlegu útisvæði sé gott.