Árangursríkt útboð - Ræsting HH
Í nýlegu útboði á ræstingu fyrir Heilsugæslu höfuðborgarsvæðisins voru lægstu boð talsvert undir kostnaðaráætlun.
Heilsugæsla höfuðborgarsvæðisins (HH) bauð út þjónustu á ræstingu á þessu ári fyrir allar starfsstöðvar sínar sem eru 21 talsins og var samið við Ríkiskaup um aðstoð við útboðið.
Í aðstoð Ríkiskaupa fólst meðal annars að gera útboðsgögn, auglýsa útboðið, gera samanburð á tilboðum, samningagerð og annað í samráði við Heilsugæslu höfuðborgarsvæðisins. Útboð af þessari stærðargráðu er flókið og umfangsmikið og var því ákveðið að fá utanaðkomandi ráðgjafa til að vinna ákveðna þætti í útboðinu. Verksvið ráðgjafans var meðal annars fólgið í að veita sérfræðiráðgjöf varðandi ræstingu, eins og tíðni, aðstoð við gerð útboðsgagna og yfirfara flatarmál vegna ræstinga.
Fljótlega í ferlinum var ákveðið að skipta útboðinu upp í tvo hluta þar sem það var mat aðila að það gæti verið hagstæðara. Í útboðsgögnum var kveðið á um það að valið skildi hagstæðasta tilboð í hverjum flokki.
A – Hluti, allar heilsugæslustöðvar 15 talsins, samtals 13.316,4 m2.
B – Hluti, allt skrifstofuhúsnæði og þjónustuhúsnæði, samtals 4.601,9 m2.
Tilboð voru síðan opnuð 3.september síðastliðin og mun nýr samningur taka gildi og fara í framkvæmd þann 1.nóvember 2020.
Samið var við IClean ehf. í A-hluta og Dagar hf. í B-hluta.