Fara í efni

Rammasamningar

RK 14.25 Öryggisþjónusta

  • Gildir frá: 16.07.2018
  • Gildir til: 15.07.2019

Um samninginn

Nýr rammasamningur um öryggisþjónustu tók gildi 16. júlí og gildir til 15. júlí 2019, samningurinn er með 1 árs heimild til framlengingar þrisvar sinnum til eins árs í senn. 

Tegundir þjónustu
Viðskiptavinir sem þurfa á öryggisgæslu að halda hafa mismunandi óskir og þarfir. Sum fyrirtæki og stofnanir þurfa á mannaðri öryggisgæslu að halda, hvort sem er allan sólarhringinn, eingöngu á skrifstofutíma, eða eingöngu utan skrifstofutíma. Hópur kaupenda þurfa fjargæslu, þ.e. að öryggisfyrirtæki vakti öryggiskerfi frá stjórnstöð. Margir kaupendur þurfa öryggisþjónustu vegna flutnings verðmæta sem krefst fylgdar öryggisvarða. Kaupendur gætu þurft á óháðri öryggisráðgjöf að halda þar sem lagðar eru fram hugmyndir og lausnir fyrir hvern og einn. Samningnum er skipt í 4 (fjóra) flokka öryggisþjónustu og selja seljendur annað hvort öryggisþjónustu í flokkum 1, 2 og 3 eða bjóða óháða öryggisráðgjöf í flokk 4.

Ekki er um afsláttarsamning að ræða.

Flokkur 1 - Mönnuð öryggisgæsla

Gæsla sem felur í sér veru öryggisvarða á staðnum á fyrirfram skilgreindum tímum. Mönnuð gæsla tekur til allrar gæslu sem krefst viðveru öryggisvarða. Móttökuþjónusta, eftirlit með fólksumferð, reglulegt eða tilfallandi eftirlit með fasteignum og lausamunum ásamt tilfallandi þjónustuverkefnum er innan þessa flokks. Slík öryggisgæsla getur verið viðvera öryggisvarða á stað sem vakta skal allan sólarhringinn, eingöngu á opnunartíma, utan opnunartíma eða á öðrum þeim tíma sem kaupandi óskar. Þessi flokkur tekur einnig til öryggisgæslu á ráðstefnum, fundum eða öðrum viðlíka atburðum þar sem óskað er mannaðrar öryggisgæslu í nánar tiltekinn tíma.

Flokkur 2 - Fjargæsla

Þessi flokkur tekur til vöktunar öryggiskerfa frá stjórnstöð. Megináhersla þessa flokks er vöktun á búnaði sem er hjá kaupanda þjónustunnar og viðbrögð þjónustuaðila við boðum og útköllum frá þeim búnaði. Í þessu felst m.a. þjónusta við tengingu búnaðar sem er til staðar, viðhald búnaðarins, prófanir og vöktun. Þjónusta bjóðanda innan þessa flokks skal hið minnsta taka til vöktunar á brunaboðum, boðum um innbrot, vatnsleka, gasleka o.þ.h.  Fjöldi búnaðareininga sem vaktaðar eru í hverju tilviki fyrir sig fer efir óskum kaupenda hverju sinni. Fjarvöktunarþjónusta skal einnig taka til þess að hafa samband við slökkvilið eða lögreglu í viðeigandi tilfellum þegar neyðarboð hefur verið sannreynt (í einstaka tilfellum getur þó verið að beint samband sé haft við lögreglu eða slökkvilið t.d. ákveðin árásarboð og brunaboð sem slökkvilið hefur skilgreint á þann hátt). Lyklavarsla og öryggisgeymsla ýmisskonar eru einnig innan þessa flokks.

Flokkur 3 - Flutningur verðmæta

Innan þessa flokks er allur flutningur verðmæta sem framkvæmdur er af öryggisvörðum eða krefst fylgdar öryggisvarða.

Samið var við tvo aðila, Securitas og Öryggismiðstöðina í flokkum 1, 2 og 3.

 

Athugið að þessi upptalning hér að framan er ekki tæmandi. Gert er ráð fyrir að öll þjónusta bjóðanda sem getur fallið undir þessa flokka sé hluti af tilboði hans.

Kaup í rammasamningi

Kaupandi skal kaupa í rammasamningi:
a) Með beinum kaupum á þeim kjörum og skilmálum sem eru skilgreindir í rammasamningnum. Við bein kaup í rammasamningi skulu kaupendur gera samanburð á samningsverði seljenda.

b) Fari einstök kaup eða samningsfjárhæð yfir 1 milljón kr. (án vsk.) á samningstíma skulu kaupin boðin út í örútboði innan rammasamnings milli þeirra rammasamningshafa sem efnt geta samninginn. Sjá nánari umfjöllun um örútboð hér fyrir neðan.

Um framkvæmd örútboða

Örútboð er innkaupaferli þar sem kaupandi leitar tilboða meðal allra rammasamningshafa sem efnt geta samninginn þar sem kveðið er nánar á um verkefnið og óskað eftir tilboðum í tiltekin atriði s.s. útfærslu, tímaáætlun og heildarverð.
Forsendur eru til staðar fyrir örútboði þegar einhver ákveðin skilyrði eða kjör eru ekki tiltekin innan rammasamningsins. 

Áskilinn er réttur til að skilgreina nánar tæknilegt og fjárhagslegt hæfi bjóðenda eftir eðli og umfangi verkefnisins.
Örútboð getur farið fram hvort heldur með rafrænum hætti eða skriflegum. Kaupandi tekur saman stutta samantekt á fyrirhuguðu verkefni. Þar skal verkefnið skilgreint, umfang þess, hvaða þjónustu það felur í sér, hvaða kröfur eru gerðar til gæða og faglegrar þekkingar bjóðenda. Samantektin er síðan send til seljenda í rammasamningnum og óskað eftir t.d. föstu tilboðsverði eða hámarksverði í tiltekið verkefni, að almennum kröfum rammasamnings og sértækum kröfum verkefnisins uppfylltum.

Nánari upplýsingar um skilmála samningsins og leiðbeiningar vegna örútboða eru aðgengilegar innskráðum kaupendum hér neðar á vefnum.

Seljendur

Securitas hf
Sími: 5807000
Tengiliður samnings
Hlynur Rúnarsson
Öryggismiðstöð Íslands hf.
Askalind 1
Sími: 5702400
Tengiliður samnings
Kristinn Loftur Einarsson

Skoða kjör

Kaupendur geta skoðað kjör í samningi með því að skrá sig inn.