Samningur DPS - Snjallmenni / Chatbot

Um samninginn

Nýr DPS samningur um snjallmenni fyrir A-hluta stofnanir tók gildi þann 07.05.2021 og gildir til 27.06.2029. Athygli er vakin á að samningurinn er opinn fyrir þátttökubeiðnum birgja út samningstímann. Þannig geta nýir birgjar bæst í hópinn. 

Snjallmenni (e.Chatbots):

• Eru hugbúnaðarforrit sem er hannað til að líkja eftir samtali við notendur sérstaklega á vefsíðum, spjallsvæðum.
• Nýta gervigreind til aðstoðar og standa vaktina allan sólarhringinn.
• Geta svarað ýmsum spurningum um starfsemi stofnunarinnar og bent t.d. viðskiptavinum á gagnlegar slóðir. Getur líka tengt spjall við starfsmann.
• Eru oft viðbót við þjónustuver stofnana og er ætlað að flýta og bæta þjónustu við viðskiptavini með aukinni sjálfvirkni.
• Uppfylla ákvæði persónuverndarlaga (GDPR)

Samingurinn gildir einungis fyrir A-hluta stofnanir.

Samningsgögn:

• Invitation to participate -ITP
• General terms of the IPT process
• Criteria for participation
• Contract Terms and Conditions
• Draft ITT documents

Helstu atriði samnings

Kaupendur

Kaupendur skulu framkvæma innkaup í þessum samningi í gegnum Ríkiskaup. Fyrsta skrefið í því er að senda beiðni þar að lútandi til Ríkiskaupa á þessu formi.  Öll innkaup innan samnings verða að vera auglýst innan kerfis í að lágmarki 14 daga.  Nánari upplýsingar veitir Sigrún Svava Valdimarsdóttir 

1. Kaupandi hefur samband við Ríkiskaup og sendir beiðni um innkaupin á þessu formi 
2. Ríkiskaup senda boð til allra DPS þátttakenda um smáútboð í tölvupósti.
3. Áhugasamir sækja gögn.
4. Skil á tilboðum innan tilboðsfrests.
5. Staðfesting á skilum í tölvupósti.
6. Opnun tilboða.
7. Mat – val og taka tilboða.

Birgjar/seljendur

Birgjar eru hvattir til að sækja um aðild að samningnum sem er alltaf opinn til þáttöku á líftíma hans. Er það gert í gegnum TendSign útboðskerfið  (nr. 21315, Chatbot - DPS).

Nánari upplýsingar um samning, skilyrði og þátttökubeiðnir eru í útboðskerfinu TendSign.

• Leiðbeiningar um TendSign

Samið hefur verið við Advania, Intelligent Technologies OÜ og Reon um þjónustu á spjallmennum en fleiri aðilar geta bæst við og munu þá nöfn þeirra bætast við þennan lista.