Skrifstofan og skólinn
Undir þennan flokk falla rammasamningar sem snúa að daglegum rekstri skrifstofu og skóla. Vörukaupasamningar um ritföng og pappír, blandaðir samningar s.s. kaup á prentþjónustu, prentlausnum og ljósritunarvélum og skyldum búnaði, auk samninga um kaup á tækjum og húsbúnaði s.s. hluti raftækjasamnings og húsgagnasamnings.
Þeir samningar sem hér eru taldir, veltu tæplega 500 milljónum á árinu 2009 sem er um 8% af ársveltu rammasamningskerfisins það ár.
Tilboð seljenda
Janúar tilboð Odda 2012 - 25% afsláttur af fjölnotapappír
Prentsmiðjan Ísafold - Tilboð til kaupenda
SKOÐAÐU GLÆRURNAR FRÁ SKRIFSTOFAN OG SKÓLINN 2011
Vistvænar áherslur
Ríkiskaup fyrir hönd kaupenda í rammasamningum leggja nú enn frekari áherslu á að kaupendur hafi aðgang að vistvænni vöru í rammasamningum. Hægt er að skoða sérstaklega vistvæn skilyrði fyrir hvern samning undir hverjum flokki fyrir sig.
En hvað telst vistvænt? Við vistvæn innkaup er tekið tillit til líftímakostnaðar, umhverfissjónarmiða og hve vel þörfin er uppfyllt. Markmiðið er að velja vöru eða þjónustu sem er síður skaðleg umhverfinu eða heilsu manna og ber sama eða lægri líftímakostnað samanborið við aðrar vörur og þjónustu sem uppfylla sömu þörf. Í vistvænum innkaupum er því horft til lengri tíma en oftast er gert. Þetta hljómar skynsamlega, enda eru vistvæn innkaup einfaldlega skynsöm innkaup!
Á www.vinn.is sem er vefur um vistvæn innkaup er mikið af áhugaverðu efni fyrir kaupendur og seljendur.