14. júlí 2022
Auglýstu ferli um afnot ljósleiðaraþráða lokið
Þann 31. mars sl. óskuðu Ríkiskaup, f.h. utanríkisráðuneytis, eftir tillögum um samningsbundin afnot af einum eða tveimur ljósleiðaraþráðum í ljósleiðarastreng Atlantshafsbandalagsins sem liggur um Ísland.
Þrír aðilar, Ljósleiðarinn ehf., Sýn hf. og Míla ehf. skiluðu tillögum í samræmi við verkefnisgögn. Tillaga Ljósleiðarans var með hæstu einkunn af innsendum tillögum. Nefnd um ráðstöfun ljósleiðaraþráða lagði mat á tillögurnar.
Auglýsta ferlinu lauk með því að utanríkisráðherra samdi við Ljósleiðarann ehf. um hagnýtingu tveggja þráða í samræmi við tillögu nefndar um ráðstöfun ljósleiðaraþráða.
Nánari upplýsingar má nálgast á vefsíðu utanríkisráðuneytisins