Útboð

20552 - Hönnunarsamkeppni - hjúkrunarheimili í Árborg

ATH. Búið er að setja inn fyrirspurnir og svör - Seinni fyrirspurnartími - í dag 22. ágúst 2017. Einnig hefur verið bætt við hnitsetningu á skrifstofugámum í ítargögnum

Athugið að búið er að setja inn Hæðalínugrunn í dag 3. júlí 2017.

ATH. Búið er að setja inn fyrirspurnir og svör – Fyrri fyrirspurnartími – í dag 20. júní 2017.

Hjúkrunarheimili í Sveitarfélaginu Árborg Hönnunarsamkeppni

Framkvæmdasýsla ríkisins f.h. velferðarráðuneytisins og Sveitarfélagsins Árborgar býður til opinnar hönnunarsamkeppni (framkvæmdasamkeppni) um nýbyggingu hjúkrunarheimilis í Sveitarfélaginu Árborg nánar tiltekið á lóð Heilbrigðisstofnunar Suðurlands við Árveg á Selfossi.

Um er að ræða að hámarki 3250 m² byggingu sem staðsett verður á lóð Heilbrigðisstofnunar Suðurlands á Selfossi. Tvö fyrirspurnartímabil eru í samkeppninni og lýkur því fyrra 15. júní 2017 en því síðara 15. ágúst 2017. Skilafrestur tillagna er 5. september 2017 fyrir kl. 16:00 hjá Ríkiskaupum.

Veitt verða þrenn verðlaun að heildarupphæð 10 milljónir kr. og þar af verða fyrstu verðlaun að lágmarki 5 m.kr.

Gert er ráð fyrir að hönnun verði lokið og útboðsgögn tilbúin sumarið 2018, framkvæmdir hefjist haustið 2018 og þeim verði lokið vorið 2020.

Samkeppnin fer fram í samvinnu við Arkitektafélag Íslands og er auglýst á EES.
Nánari upplýsingar er að finna í samkeppnislýsingu sem er aðgengileg á vef Ríkiskaupa, www.rikiskaup.is útboðsnúmer 20552 frá og með mánudeginum 29. maí 2017. Til að nálgast ítargögn verður að skrá sig til þátttöku á vefnum en gögn verða einnig fáanleg á minnislykli, gegn framvísun staðfestingar á þátttöku, á skrifstofu Ríkiskaupa Borgartúni 7C, 105 Reykjavík. Skrifstofan er opin virka daga frá kl. 9:00 - 15:00.


Titill

  • Opnunarfundur: 5.9.2017, 16:00
  • Staða: á tilboðstíma
  • Fyrirspurnarfrestur:15.8.2017
  • Svarfrestur: 22.8.2017
  • Samið við: