Jarðir

Litluvellir í Þingeyjarsveit

Útboðsnr Heiti Tilboðsfrestur
20437 Litluvellir í Þingeyjarsveit 31.3.2017 kl. 00:00

Ath. að þessi eign er ekki á tilboðstíma en nánari upplýsingar eru veittar á skrifstofu Ríkiskaupa. Meðfylgjandi upplýsingar úr Þjóðskrá Íslands - fasteignaskrá eru ekki uppfærðar.

Tilboð óskast í ríkisjörðina Litluvelli í Þingeyjarsveit.

Ærgildi jarðarinnar eru 122,2. Þessi ærgildi fylgja með við söluna.

Um er að ræða ríkisjörðina Litluvellir í Bárðardal í Þingeyjarsveit, landnr. 153505. Jörðin er talin vera allt að 913 ha en landamerkjum hefur ekki verið þinglýst. Ræktað land er alls 18,9 ha, að hluta til í órækt. Jörðin er á landbúnaðarsvæði samkvæmt aðalskipulagi. Jörðin er nokkuð innarlega í Bárðardalnum og stendur bærinn við rætur Vallnafjalls. Fjallshlíðin er há með grófum og giljum. Samkvæmt Þjóðskrá Íslands - fasteignaskrá er á jörðinni íbúðarhús, 96,6 m² byggt 1929, geymsla 98,3 m² byggt 1946,  fjárhús 69 m² byggt 1957, hlaða 56,7 m², byggð 1945, votheysgryfja 11,5 m² byggð 1953, fjárhús 138 m² byggt 1947, hlaða 130 ² byggð 1974 og fjárhús með áburðarkjallara 160 m² byggt 1976. Verðmestu byggingarinnar eru hlaða (byggð 1974) og fjárhús (byggt 1976). Fjarlægja eða endurbyggja þarf önnur hús jarðarinnar. 

Jörð og hús seljast í því ástandi sem þau eru í og eru áhugasamir tilboðsgjafar hvattir til að kynna sér mjög vel ástand húsa og umhverfis þar sem ekki hefur verið búið á jörðinni í nokkur ár.

Jörðin er ekki langt frá Akureyri og með tilkomu Vaðlaheiðargangnanna styttist sú vegalengd enn frekar.

Öll vegsvæði á vegum Vegagerðarinnar sem liggja yfir land jarðar þessarar eru undanskilin við sölu þessa og er eignarhald þessara vegsvæða í eigu Ríkissjóðs Íslands. 

Í samræmi við 40. gr. jarðalaga nr. 81/2004 eru undanskilin í sölu þessari námuréttur og réttur til efnistöku, þ.m.t. sand- og malarnám, og vatns- og jarðhitaréttindi umfram heimilis- og búsþarfir. Nauðsynleg aðstaða til að hagnýta framangreind réttindi eru einnig undanskilin í sölu þessari.

Nánari upplýsingar er hægt að fá hjá Ríkiskaupum, Borgartúni 7c, 105 Reykjavík í síma 530 1400.

Tilboðseyðublöð liggja frammi á sama stað ásamt reglum um frágang og útfyllingu á tilboðseyðublaði. Sjá einnig nánari upplýsingar á heimasíðu Ríkiskaupa www.rikiskaup.is

Tilboð skulu berast Ríkiskaupum, Borgartúni 7c, 105 Reykjavík fyrir kl. 10.00 þann 2. nóvember 2016 þar sem þau verða opnuð í viðurvist bjóðenda er þess óska.