Fasteignir

Núpur í Dýrafirði - Gamli skóli, lóð nr. 1

Útboðsnr Heiti Tilboðsfrestur
20289 Núpur í Dýrafirði - Gamli skóli, lóð nr. 1 1.9.2017 kl. 15:00
Um er að ræða elsta húsnæði fyrrum héraðsskólans á Núpi í Dýrafirði, eigandi er Ríkissjóður Íslands.

Húsnæðið er upprunalega byggt árið 1931 og með síðari viðbyggingum. Húsið er að hluta á þremur hæðum en tveggja hæða álmur til beggja handa og íþróttahús við bakhlið. Í húsinu voru skólastofur, heimavist, kennaraíbúðir, matsalur, eldhús, sundlaug og íþróttahús. Áhugasamir bjóðendur eru hvattir til að kynna sér ástand húsnæðisins til hlítar. Húseignin er til sýnis í samráði við Guðmund Ástvaldsson í síma 894 9409 á skrifstofutíma. 

Ekki er búið að þinglýsa lóð undir húsið (lóð merkt 1) en lóðin hefur verið afmörkuð og talin vera 5.570 m². Kvöð er á lóðinni um aðkomu og bílastæði fyrir lóð nr. 2. Samkvæmt Þjóðskrá Íslands – fasteignaskrá er stærð hússins 1.419 m², brunabótamat er kr. 225.550.000,- og fasteignamat er kr. 27.955.000,-.

Óskað er eftir tilboðum í eignina. Tekin verður afstaða til móttekinna tilboða eftir 1. september 2017. Innsend tilboð skulu gilda í 4 vikur frá þeim degi.

Nánari upplýsingar má finna á heimasíðu Ríkiskaupa www.rikiskaup.is.

Tilboð skulu berast til Ríkiskaupa, Borgartúni 7c, 105 Reykjavík, sími 530 1400. Skrifstofa Ríkiskaupa er opin virka daga milli kl. 9:00 og 15:00.

Ath. ekki verður haldinn opnunarfundur vegna skila á tilboðum.