Léttum lífið - umbætur í opinberri þjónustu
Miðvikudaginn 14. apríl kl. 10 heldur fjármála- og efnhagsráðuneytisins opinn viðburð með yfirskriftinni: Léttum lífið, spörum sporin og aukum hagkvæmni með umbótum í opinberri þjónustu. Viðburðinum verður streymt á facebook og á vef stjórnarráðsins.
Meðal spurninga sem reynt verður að svara eru t.d. hvernig bætum við opinbera þjónustu og léttum líf almennings á sama tíma og við spörum skattgreiðendum pening? Hvaða hlutverk leika fjárfesting og áhersla á stafræna tækni í þessum efnum? Hvernig á opinber þjónusta að vera til framtíðar?
Fjallað verður um hvernig Stafrænt Ísland gjörbreytir samskiptum og upplifun af hinu opinbera. Þá verður rætt hvernig nýta má nýsköpun og frumkvöðlastarfsemi í samfélaginu til að færa þjónustu nær fólki og draga úr sóun. Loks verður fjallað um hvernig við ætlum að spara milljarða með nýrri nálgun í innkaupamálum á sama tíma og við veitum óskerta þjónustu og gerum hana umhverfisvænni.
Auk frummælenda verður áhorfendum gefinn kostur á að deila sinni sýn á opinbera þjónustu til framtíðar.
Dagskrá viðburðarins:
- Bjarni Benediktsson: Uppfærum stýrikerfið - opinberar umbætur og framtíðarsýn.
- Andri Heiðar Kristinsson, framkvæmdastjóri Stafræns Íslands: Stafrænt Ísland: Á fleygiferð inn í framtíðina.
- Þorbjörg Helga Vigfúsdóttir, framkvæmdastjóri Kara-Connect: Íbúarnir í fyrsta sæti.
- Björgvin Víkingsson, forstjóri Ríkiskaupa: Ávinningur fjölbreyttra innkaupa – ný innkaupastefna ríkisins um vistvæn innkaup.