Fara í efni

Gæðamál og vottanir

ISO 9001:2015 Vottun

Frá árinu 2016 hafa starfsmenn Ríkiskaupa unnið í samræmi við gæðakerfi stofnunarinnar byggða á ISO 9001:2015 staðlinum. Lokaúttekt á gæðakerfinu fór fram í árslok 2018 og í maí sl. fékk stofnunin staðfestingu á vottun gæðakerfisins. Ríkiskaup fengu svo formlega afhent vottunarskírteini gæðakerfisins samkvæmt alþjóðlega gæðastaðlinum ISO 9001 þann 21. ágúst sl.

Gæðavottunin tekur til faglegra þátta starfseminnar á öllum sviðum og nær yfir alla þá þjónustu sem stofnunin veitir. Vottunin og sú vinna sem henni tengist stuðlar að markvissari vinnuferlum og tryggir stöðugar umbætur sem leiðir af sér skilvirkari og betri þjónustu.

Á myndinni má sjá Halldór Ó. Sigurðsson forstjóra Ríkiskaupa og Laufeyju Hlín Björgvinsdóttur gæðastjóra Ríkiskaupa taka við vottunarskírteini frá Kjartani J. Kárasyni framkvæmdastjóra Vottunar hf.

Á myndinni má sjá Halldór Ó. Sigurðsson forstjóra Ríkiskaupa og Laufeyju Hlín Björgvinsdóttur gæðastjóra Ríkiskaupa taka við vottunarskírteini frá Kjartani J. Kárasyni framkvæmdastjóra Vottunar hf.

 

 
Uppfært 25. október 2019
Getum við bætt síðuna?