Fyrirhuguð rammasamningsútboð 2013

Fyrirhuguð rammasamningsútboð 2013 - Kynningarauglýsing

Ríkiskaup kynna fyrirhuguð útboð rammasamninga á vegum Ríkiskaupa á árinu 2013. Tilgangurinn er meðal annars að kynna áhugasömum birgjum og kaupendum þessi áform með góðum fyrirvara. Samningarnir eru almennt við helstu seljendur á viðkomandi markaði en allir áhugasamir birgjar eru hvattir til að kynna sér samningana og útboðin.

Kynningarauglýsingin gefur stofnunum sem einhverra hluta vegna sjá hag sínum betur borgið utan þeirra nýju rammasamninga sem fyrirhugaðir eru tækifæri til að segja sig frá viðkomandi samningi með skriflegum rökstuðningi til Fjármála- og efnahagsráðuneytisins. Viðkomandi stofnun er þá útilokuð frá þátttöku í rammasamningnum allan gildistíma hans.
Slík úrsögn þarf að berast áður en rammasamningur tekur gildi.

Vakin er sérstök athygli á útboðum um þjónustu iðnaðarmanna sem nú er í auglýsingu og útboði á UT hýsingu og rekstrarþjónustu sem fyrirhugað er á 1. ársfjórðungi 2013.

Hægt er að skoða á vef Ríkiskaupa hvaða samningar eru í gildi á hverju tíma og við hvaða birgja. Rammasamningar eru ætíð boðnir út á EES svæðinu, auglýstir hérlendis hver þeirra fyrir sig og öllum gefinn kostur á að bjóða. Hægt er að skrá sig fyrir rafrænni tilkynningu um þessi útboð á póstlista á vef Ríkiskaupa.

Hér að neðan er PDF skjal af kynningarauglýsingu Ríkiskaupa sem sýnir fyrirhuguð rammasamningsútboð ársins 2013. Auglýsingin birtist einnig í Morgunblaðinu.
Kynningarauglýsing um fyrirhuguð rammasamningsútboð 2013

Við bendum sérstaklega forsvarsmönnum sveitarfélaga á að kynna sér þau rammasamningsútboð sem fyrirhuguð eru á árinu 2013 og eldri samninga, þar sem sveitarfélögin þurfa að tilkynna hugsanlega aðild sína að rammasamningakerfinu árlega til Ríkiskaupa.