Um framkvæmd örútboða

hvað eru örútboð og hvenær er þeim beitt?

Með nýjum lögum um opinber innkaup frá 2007 opnaðist sá möguleiki fyrir kaupendur að fara í svokallað örútboð innan rammasamnings. Forsendur eru til staðar fyrir örútboði þegar einhver ákveðin skilyrði eða kjör eru ekki tiltekin innan rammasamningsins.

Sé áætlað að fyrirfram skilgreint verkefni sé umfangsmeira en það viðmið sem notað var í rammasamningsútboði er ráðlegt að efna til lokaðs útboðs meðal rammasamningshafa til að fá enn betra verð.

Ferill örútboða er sem hér segir:

1. Þörfin fyrir kaup er skilgreind
2. Útboðsgögn útbúin
3. Útboðstilkynning send á alla seljendur innan rammasamnings
4. Útboðsgögn afhent
5. Tímarammi er enginn en því meiri tími sem gefinn er því betra
6. Fyrirspurnir og svör. Oft afgreidd á einum fundi
7. Tilboð opnuð

Kaupendur skulu í einu og öllu fylgja lögum um opinber innkaup við úrvinnslu.

Ríkiskaup hafa gefið út leiðbeiningarit vegna örútboða sem hægt er að nálgast hér á síðunni eða undir útgefið efni.
Leiðbeiningar vegna örútboða

Kaupendur geta einnig skoðað drög að stöðluðum samningstexta vegna örútboðs sem þægilegt getur verið að hafa til hliðsjónar.

Ríkiskaup bjóða kaupendum þjónustu við gerð verðkannana og örútboða á sanngjörnu verði. Hægt er að stefna til örútboða innan rammasamninga með afar stuttum fyrirvara, allt eftir efni og umfangi.