Skrifstofutæki og prentlausnir

Eftirfarandi tæki og þjónusta falla undir þennan samning:

• Ljósritunarvélar
• Fjölnotatæki:   Tæki sem hafa amk. þrjár af eftirfarandi aðgerðum: Ljósritun, prentun, föxun og skönnun.  Undir þennan samning flokkast einnig stakir skannar og faxtæki. (Ekki prentarar).
• Pappírstætarar
  
• Prentlausnir

Nýjung í þessum samningi eru svokallaðar prentlausnir. Með prentlausnum er átt við eftirfarandi þjónustu:

• Rekstrarleiga með þjónustusamningi – Kaupandi leigir ljósritunarvélar og/eða fjölnota- sambyggð tæki á föstu verði og greiðir svo fyrir hvertprentað blað.
• Kaup með þjónustusamningi – Kaupandi kaupir ljósritunarvélar og/eða fjölnota- sambyggð tæki, en greiðir aukalega fyrir hvert prentað blað
• Kaupandi borgar fyrir hvert prentað blað úr ljósritunarvélum og/eða fjölnota- sambyggð tækjum, en vélarnar/tækin eru í eigu seljanda
• Aðrar sambærilegar lausnir

Eftirfarandi atriði eiga við um boðnar prentlausnir hjá öllum birgjum:

• Öll rekstrarvara er innifalin, þ.m.t. pappír, tóner, tromlur, blekhylki ofl. eftir því sem við á hverju sinni fyrir hvert tæki. 
• Allt viðhald á tæki innifalið.     
• Allar viðgerðir á tæki innifaldar.           
• Allur pappír þarf að standast sömu gæða- og umhverfiskröfur og settar eru í útboði á ljósritunarpappír.
• Þjónustuaðili sér um að koma tækinu til og frá notanda, hvort sem um viðgerð eða afhendingu á nýju tæki er að ræða. Ef tæki bilar eða þarf á viðhaldi að halda sem krefst þess að tækið sé tekið á verkstæði skal seljandi útvega annað tæki á meðan viðgerð/viðhaldi stendur.
• Öll boðin tæki skulu vera orkusparandi og merkt t.d. Energy Star eða sambærilegt.
• Öll boðin tæki skulu vera með þeim möguleika að láta þau “sofa” þegar þau eru ekki í notkun.