Grafísk hönnun

Ástæðan er einföld, þetta er gert til að kaupendur geti náð sem hagstæðustum verðum í þá þjónustu sem um ræðir. Dæmi: 30 tíma verk gæti skipst í 15 tíma sem aðili í hæfniflokki A gæti unnið, 10 tímar sem aðili í flokki í B gæti unnið og 5 tímar sem aðili í flokki C þyrfti að vinna í stað þess að allir 30 tímarnir myndu hugsanlega lenda í hæsta verðflokki.

AFHENDING VERKEFNA
Kaupendur munu panta beint frá seljanda nema sérstaklega sé um annað samið. Boðin verð skulu miðast við að verkefni verði afhent seljanda á tölvutæku formi, sé því við komið.
Gert er ráð fyrir því að kaupendur afurðar grafískra hönnuða í fyrirhuguðum rammasamningi leiti sjálfir eftir verðtilboðum í vinnslu og frágang sem byggð eru á hönnuninni, s.s. prentun innan rammasamnings Ríkiskaupa.
Kaupandi öðlast allan notkunar/nýtingarrétt, fjölföldunar- og dreifingarrétt til ríkisaðila á þeirri hönnun sem keypt er samkvæmt rammasamningnum.
Seljendur skulu bjóða fram þjónustu sína eins fljótt og auðið er eftir að pöntun berst frá kaupanda. Seljendur skulu hverju sinni bjóða fram sína hæfustu hönnuði.
Afhending á þjónustu skal fara fram á þeim stað og stund sem umsamið er við pöntun. Hönnuðir skulu skila af sér verkefni innan þess tíma sem eðlilegur má teljast miðað við umfang verks og viðmið um framvindu.
Kaupandi skal upplýstur um alla verk- og efnisþætti í upphafi verks og skal seljandi tafarlaust gera grein fyrir breytingum sem upp kunna að koma á verktíma t.d. vegna tafa eða annarra ófyrirséðra þátta.

Verði tafir á afhendingu, eða ef gæði þjónustu eru minni en útboðslýsing gefur
tilefni til (t.d. ef prófarkarlestri er ábótavant), sem rekja má til seljanda, skal
kaupandi eiga kröfu á afslætti frá umsömdu verði eða endurgreiðslu kostnaðar
við lagfæringar.

Hvatt er til þess að kaupendur og seljendur noti sýnishorn af samningi um ráðgjafaþjónustu sem má finna á heimasíðu Ríkiskaupa .