Ríkiskaup - Útboð skila árangri - Fréttalisti

Verðlækkanir í matvörusamningum

Fri, 3 May 2013 14:37:00 +0000

Þau tímamót urðu um mánaðamótin apríl - maí að tilkynningar bárust um verðlækkanir frá tveimur birgjum í rammasamningi RK 08.02 um matvöru.

Hvernig notum við rammasamninga? Um endurvinnslu og sorphirðu

Mon, 11 Mar 2013 11:14:00 +0000

Um áramótin tók gildi nýr rammasamningur um úrgangsþjónustu s.s. sorphirðu og endurvinnslu. Þessi þjónusta var að þessu sinni boðin út með nýstárlegum hætti með ákvæðum um verðkannanir og örútboð. Ríkiskaup hafa nú uppfært upplýsingar á rammavefnum með leiðbeiningum fyrir kaupendur og seljendur um hvernig hægt sé að framkvæma verðkannanir og örútboð innan samnings.

Nýir rammasamningar 2013

Thu, 10 Jan 2013 16:06:00 +0000

Um áramót eru oft miklar breytingar á rammasamningakerfinu. Samningar endurnýjast og nýir seljendur koma inn. Þá eru einnig breytingar á kaupendahópnum þar sem sveitarfélög þurfa að staðfesta aðild sína að rammasamningum árlega. Þá má ekki gleyma breytingum og sameiningum hjá stofnunum og ráðuneytum. Upplýsingar um nokkra nýja rammasamninga hafa verið uppfærðar á vefnum okkar.

Tilboð opnuð í þyrluútboði fyrir Landhelgisgæsluna

Thu, 10 Jan 2013 15:26:00 +0000

Í dag voru opnuð hjá Ríkiskaupum, tilboð í leigu á þyrlum fyrir Landhelgisgæsluna.Tilboð bárust frá tveimur aðilum í leigu á tveimur þyrlum. Um er að ræða tilboð í leigu á Super Puma þyrlum, af gerðinni EC 225.

Ný skýrsla Ríkisendurskoðunar um Bílanefnd ríkisins

Tue, 13 Nov 2012 14:19:00 +0000

Ríkisendurskoðun telur að leggja eigi niður bílanefnd ríkisins, sem hefur eftirlit með bifreiða- og akstursmálum stofnana. Kaup stofnana á bifreiðum eigi að vera samkvæmt rammasamningum, líkt og önnur innkaup þeirra á vöru og þjónustu. Ríkiskaup gera slíka samninga í kjölfar útboða og er stofnunum skylt að beina viðskiptum sínum til fyrirtækja sem eiga aðild að þeim.

Hönnun viðbyggingar við Menntaskólinn við Sund. Skipulags-, arkitekta- og verkfræðistofan ehf. með verðlaunatillöguna.

Fri, 26 Oct 2012 09:37:00 +0000

Tilkynnt hefur verið um úrslit í verðlaunasamkeppni um hönnun viðbyggingar við Menntaskólann við Sund í Reykjavík.

Skrifstofan og skólinn

Tue, 18 Sep 2012 09:37:00 +0000

Ríkiskaup kynna fyrsta fræðsluviðburð vetrarins sem fram fer á Hótel Sögu, þriðjudaginn 25. september nk.. Meðal efnis er kynning á nýjum rammasamningi um prentlausnir, ný UT útboð framundan og spennandi þróunarverkefni um verðkannanir í rammasamningum.

Nýir rammasamningar taka gildi

Thu, 6 Sep 2012 15:33:00 +0000

Kynnið ykkur nýja rammasamninga um leigubílaakstur, bílaleigu, prentlausnir ásamt rammasamningi um kjöt og fisk.

Ríkiskaup munu fara fram á ógildingu á úrskurði kærunefndar vegna útboðs á flugsætum erlendis

Mon, 3 Sep 2012 16:01:00 +0000

Í framhaldi af úrskurði kærunefndar útboðsmála dags. 8. ágúst 2012 í máli nr. 12/2012 Iceland Express gegn Ríkiskaupum, „Flugsæti til og frá Íslandi“ hafa Ríkiskaup ákveðið að una ekki úrskurði nefndarinnar. Ríkiskaup nýta þar með heimild skv. lögum nr. 84/2007 um opinber innkaup til að höfða mál til ógildingar hans fyrir dómstólum

Framlengdir rammasamningar

Wed, 4 Jul 2012 14:33:00 +0000

Allir sem hafa tekið þátt í útboðum vita að það er vandaverk að útbúa tilboð og ætíð þess virði að gefa sér góðan tíma til þess. Þess vegna hafa Ríkiskaup nú framlengt nokkra rammasamninga til áramóta til þess að gefa bjóðendum betra tækifæri til að gera sín tilboð og forðast að sú vinna lendi á aðal sumarleyfistímanum.

Nýir rammasamningar um borðbúnað og um gistingu og veitingar

Tue, 26 Jun 2012 11:31:00 +0000

Ríkiskaup kynna tvo nýja rammasamninga. Nú þegar sumarið er komið og sólin skín er ekki úr vegi að fara að huga að því sem þarf að endurnýja í eldhúsinu, svona áður en allir koma tilbaka úr sumarfríum. Svo geta þreyttir og svangir ferðalangar glaðst yfir nýjum samningum um gistingu og veitingar innanlands.

Úrslit í hönnunarsamkeppni fyrir nýtt húsnæði Stofnunar Vigdísar Finnbogadóttur

Tue, 22 May 2012 12:37:00 +0000

Úrslit í hönnunarsamkeppni fyrir nýtt húsnæði Stofnunar Vigdísar Finnbogadóttur í erlendum tungumálum liggur fyrir. Alls bárust 43 tillögur frá níu þjóðlöndum. Fyrstu verðlaun hlutu arkitektur.is og eru höfundar tillögunnar Gunnlaugur Magnússon, Haraldur Örn Jónsson, Hjalti Parelius, Hjörtur Hannesson og Kristján Garðarsson.

Nýr samningur um afsláttarkjör af flugsætum innanlands með Flugfélagi Íslands

Mon, 14 May 2012 11:12:00 +0000

Allar opinberar stofnanir munu njóta að lágmarki 20% afsláttar af fullum verðum sé greitt með Flugkorti Flugfélags Íslands. Stofnanir sem eiga veruleg viðskipti við Flugfélag Íslands munu enn fremur, í samræmi við veltu, njóta betri kjara skv. ákveðnum skilmálum.

Innkaup og umhverfið

Fri, 13 Apr 2012 13:27:00 +0000

Vistvæn innkaup fara eftir eðli og umfangi hverrar stofnunar fyrir sig og því hafa fjármála- og umhverfisráðuneytin farið þá leið við innleiðingu vistvænna innkaupa að halda vinnustofur um leiðir og þau verkfæri sem stofnunum standa til boða s.s. innkaupagreiningu, rammasamninga og grænt bókhald.

Innkaup snúast um val, val á vöru og þjónustu, val á birgjum og þjónustuaðilum og val um aukin eða minnkuð útgjöld. Það er því markmið vinnustofanna að starfsfólk stofnanna átti sig á mikilvægi þess að velja og afleiðingum þessa vals. Áhersla er lögð á létt og skemmtilegt yfirbragð á vinnustofunum og hvatt til þess að samskipti séu gagnkvæm þannig að við lærum sem mest hvert af öðru.

Tillaga um grænt hagkerfi samþykkt

Wed, 21 Mar 2012 09:44:00 +0000

Í tillögunni eru lagðar til 48 leiðir til þess að efla græna hagkerfið hér á landi. Þar á meðal er tillaga þess efnis að allir nýir rammasamningar ríkisins um innkaup, uppfylli viðmið í umhverfisskilyrðum í þeim vöruflokkum þar sem slík skilyrði hafa verið útbúin.

Nýr rammasamningur um starfsmannafatnað

Mon, 5 Mar 2012 11:04:00 +0000

Nýr rammasamningur um starfsmannafatnað tók gildi 28. febrúar 2012. Í þessum samningi er margvíslegur starfsmannafatnaður s.s. kulda- og regnfatnaður, prjón- og flísfatnaður, ófóðraður vinnufatnaður og öryggisfatnaður, húfur og vettlingar og skófatnaður auk matreiðslufatnaðar og fínni fatnaðar s.s. skyrtur jakkar, buxur, bindi ofl.
Undir þennan samning fellur einnig einkennisfatnaður af ýmsu tagi auk þess sem samið var um tímagjald vegna viðgerða og sérmerkinga.

Vistvæn innkaup eiga sér samastað á netinu

Thu, 23 Feb 2012 16:18:00 +0000

Nýr og endurbættur vefur vistvænna innkaupa www.vinn.is hefur verið opnaður en á honum má finna upplýsingar og hagnýt ráð um það hvernig standa má að vistvænum innkaupum á sem hagkvæmastan hátt. Markmiðið með sérstöku vefsvæði með upplýsingum um vistvæn innkaup er að efla vitund og þekkingu fyrirtækja og almennings á þeim áhrifum sem kaupákvarðanir hafa á umhverfið sem er mikilvægur liður í því að vistvæn innkaup nái tryggri og varanlegri fótfestu í samfélaginu.

Nýjar leitar- og björgunarþyrlur fyrir Landhelgisgæslu Íslands

Thu, 16 Feb 2012 08:54:00 +0000

Ríkiskaup f.h. innanríkisráðuneytisins hafa í samvinnu við norsk yfirvöld tilkynnt niðurstöðu forvals vegna fyrirhugaðra kaupa Landhelgisgæslu Íslands á nýrri leitar- og björgunarþyrlu. Eftirtalin fyrirtæki hafa verið valin og metin hæf sem bjóðendur í lokuðu innkaupaferli: Agusta Westland Ltd., Eurocopter SAS og Sikorsky International Operations Inc.. Fyrirhugað er að kaupa eina sérstaklega útbúna þyrlu til leitar- og björgunarstarfa fyrir Landhelgisgæsluna, til afhendingar á árinu 2018, með möguleika á að bæta síðar við öðrum tveimur þyrlum.

Kynningarauglýsing 2012

Mon, 6 Feb 2012 10:29:00 +0000

Ríkiskaup kynna fyrirhuguð útboð rammasamninga á vegum Ríkiskaupa á árinu 2012. Tilgangurinn er meðal annars að kynna áhugasömum birgjum og kaupendum þessi áform með góðum fyrirvara. Samningarnir eru almennt við helstu seljendur á viðkomandi markaði en allir áhugasamir birgjar eru hvattir til að kynna sér samningana og útboðin.

Úttekt á opinberum vefjum 2011 - Vefur Ríkiskaupa í 10. sæti

Thu, 19 Jan 2012 10:22:00 +0000

Niðurstöður úttektar á opinberum vefjum voru kynntar á Grand hóteli 18. janúar undir yfirskriftinni: Hvað er spunnið í opinbera vefi 2011? Jafnframt var í fyrsta sinn veitt viðurkenning fyrir bestu vefina. Það er ánægjuefni að vefur Ríkiskaupa var í 10. sæti af vefjum ríkisstofnana með 82 stig af 100 mögulegum.

Hönnunarsamkeppni um byggingu fangelsis á Hólmsheiði í Reykjavík

Mon, 9 Jan 2012 08:54:00 +0000

Framkvæmdasýsla ríkisins, f.h. Innanríkisráðuneytisins býður til opinnar hönnunarsamkeppni (framkvæmdasamkeppni) um byggingu nýs fangelsis á Hólmsheiði í Reykjavík. Um er að ræða nýtt gæsluvarðhalds- og móttökufangelsi með deild fyrir kvenfanga, aðstöðu fyrir afplánun skemmri fangelsisrefsinga og vararefsinga á Hólmsheiði í Reykjavík. Fangelsisbyggingin verður með 56 fangarýmum og u.þ.b. 3.700 m² að stærð. Samkeppnin fer fram í samvinnu við Arkitektafélag Íslands.

17 sóttu um starf forstjóra Ríkiskaupa

Wed, 4 Jan 2012 17:34:00 +0000

Skv. upplýsingum frá fjármálaráðuneyti sóttu 17 manns um starf forstjóra Ríkiskaupa, fjórtán karlar og þrjár konur. Fjármálaráðherra hefur skipað Halldór Ó. Sigurðsson til að gegna embætti forstjóra Ríkiskaupa til fimm ára frá 1. janúar 2012. Halldór var áður deildarstjóri innkaupadeildar hjá Landspítala háskólasjúkrahúsi.

Listi með nöfnum umsækjenda í stafrófsröð er birtur á vef Ríkiskaupa.

Nýr forstjóri Ríkiskaupa

Fri, 30 Dec 2011 10:53:00 +0000

Fjármálaráðherra hefur skipað Halldór Ó. Sigurðsson til að gegna embætti forstjóra Ríkiskaupa til fimm ára frá 1. janúar 2012. Þetta kemur fram í tilkynningu frá fjármálaráðuneytinu.

Hönnunarsamkeppni um byggingu Stofnunar Vigdísar Finnbogadóttur

Thu, 22 Dec 2011 10:53:00 +0000

Framkvæmdasýsla ríkisins fyrir hönd Háskóla Íslands býður til opinnar hönnunarsamkeppni (framkvæmdasamkeppni) um byggingu fyrir Stofnun Vigdísar Finnbogadóttur í erlendum tungumálum.

Gleðileg jól

Wed, 21 Dec 2011 13:12:00 +0000

Starfsfólk Ríkiskaupa óskar viðskiptavinum gleðilegrar jólahátíðar og farsældar á komandi ári. Þökkum ánægjulegt samstarf á árinu sem er að líða.

Innkaupadagur 2011

Tue, 22 Nov 2011 13:11:00 +0000

Erindi fyrirlesara eru komin á vefinn !! Ríkiskaup bjóða viðskiptavinum sínum í Hörpuna, þriðjudaginn 29. nóvember nk. á Innkaupadaginn 2011. Það er mjög margt spennandi að gerast í umhverfi opinberra innkaupa og á ráðstefnunni munum við ræða margvísleg áhrif þeirra á umhverfið og viðskiptalífið. Yfirskrift ráðstefnunnar er SAMVINNA - SÉRSTAÐA - FRAMTÍÐARSÝN og í boði eru fjölmörg áhugaverð erindi sem endurspegla þetta. Ráðstefnan hefst kl. 9.00 með skráningu og morgunverði og lýkur kl. 16.00. Vinsamlegast skráið þátttöku í netfang skraning@rikiskaup.is fyrir mánudaginn 28. nóvember nk.

Nýsköpunarverðlaun í opinberum rekstri 2011 afhent

Thu, 3 Nov 2011 16:51:00 +0000

Í ágúst síðastliðnum sendu fjármálaráðuneytið og Félag forstöðumanna erindi til forstöðumanna þar sem óskað var eftir að þeir tilnefndu verkefni til nýsköpunarverðlauna í opinberum rekstri. verðlaunin að þessu sinni hlaut lögreglustjórinn á Hvolsvelli vegna verkefnisins: Skipulag rýminga vegna jökulhlaupa sem fylgja eldgosum í Kötlu og Eyjafjallajökli. Samstarf íbúa og almannavarnayfirvalda. Auk þessa verkefnis hlutu þrjú önnur verkefni sérstaka viðurkenningu.

Rammasamningur um raforkukaup ríkisins

Thu, 27 Oct 2011 09:48:00 +0000

Rammasamningur um kaup ríkisins á raforku hefur verið framlengdur til eins árs og gildir því til 31.10.2012.
Samningurinn nær til kaupa ráðuneyta, ríkisstofnana og ríkisfyrirtækja á raforku, dreifingu og flutningi.

Opinberir kaupendur innan þessa samnings þurfa ekki að ganga frá eða skrifa undir frekari samning til að njóta samningskjara. Það er á ábyrgð viðkomandi þjónustuaðila að kaupendur njóti þeirra kjara og þjónustu sem samningurinn kveður á um.Kaupendur þurfa hins vegar að tilkynna vilja sinn eða ákvörðun um kaup og flutning með sín viðskipti í samningi til núverandi þjónustuaðila. Vinsamlegast athugið að slíkur flutningur þarf að tilkynnast með eins til þriggja mánaða fyrirvara skv. reglugerð um raforkuviðskipti 1050/2004.

Ráðgjöf og þjónusta í upplýsingatækni

Thu, 27 Oct 2011 09:24:00 +0000

Ríkiskaup kynna nýjan rammasamning ríkisins um ráðgjöf og þjónustu í upplýsingatækni.
Samningurinn tók gildi 18. október sl. og gildir í tvö ár. Samið var við 25 aðila um 13 þjónustuflokka. Allar nánari upplýsingar um flokkana og skiptingu seljenda í þá auk upplýsinga um kjörin í samningi eru að finna á rammavefnum.
Um leið og við bjóðum gamla sem nýja þjónustuaðila velkomna í rammasamning ríkisins hvetjum við kaupendur til að kynna sér innihald samnings og þá ráðgjöf og þjónustu sem þjónustuaðilar eru að bjóða upp á.

Ríkisendurskoðun fjallar um notkun stofnana á rammasamningum ríkisins

Tue, 11 Oct 2011 08:31:00 +0000

Að mati Ríkisendurskoðunar þarf að bæta skráningu innkaupa í bókhaldi ríkisins þannig að auðveldara verði að meta árangur af rammasamningum sem ríkið hefur gert um kaup á vörum og þjónustu. Mikilvægt er að fjármálaráðuneytið sjái til þess að skráning innkaupa í bókhaldi ríkisins verði þannig að unnt sé að meta framkvæmd rammasamninganna.