BREYTT AÐGENGI að útboðsgögnum
Með breyttum vef, breyttist aðgengið að öllum útboðsgögnum, einnig fyrirspurnum og svörum og öðrum tengdum gögnum. Staðan núna er þannig að viðkomandi þarf að skrá sig inn á útboðsvef Ríkiskaupa. Það er gert þegar viðkomandi sækir gögn á vefnum í fyrsta sinn, þá skráir viðkomandi nafn sitt og fyrirtæki, netfang, ofl. ásamt kennitölu fyrirtækis þess sem viðkomandi stendur fyrir. Einnig er valið lykilorð. Þessa kennitölu og lykilorð er svo hægt að nota áfram til að nálgast öll útboðsgögn í öllum útboðum á vefnum.
Athugið að frá 1. febrúar 2011 þurfa bjóðendur að greiða fyrir útboðsgögn á vef Ríkiskaupa.
Leiðbeiningar til notenda:
Þegar þú hyggst sækja útboðsgögn á vef Ríkiskaupa þarftu að skoða viðkomandi útboð.
Því næst er farið í „Kaupa útboðsgögn“
Ef þú ert að sækja gögn í fyrsta skipti þarftu að nýskrá þig í kerfið:
Fylla þarf út reiti með nafni tengiliðs, nafni fyrirtækis, kennitölu fyrirtækis, heimilisfangi og póstnúmeri, netfangi og að lokum skráir þú þitt eigið „Lykilorð“.
Svo lengi sem þessi heimsókn varir, getur þú farið í öll aðalútboðsgögn án þess að skrá þig sérstaklega.
Passið vel upp á lykilorðið ykkar því þið notið aftur næst þegar þið skráið ykkur inn.
Í næstu heimsókn er nóg að skrá sig inn með skráðri kennitölu og lykilorðinu þínu.
Ef þú gleymir lykilorðinu geturðu sent okkur póst á birna@rikiskaup.is og við sendum þér lykilorðið tilbaka.