Ríkiskaup gerðu nýverið rammasamning við 12 aðila um fersk og frosin matvæli auk fundaveitinga. Áður var til rammasamningur um aðra matvöru s.s. pakka- og dósavöru, kex og brauð, frosið grænmeti, kaffi ofl.

Nýi rammasamningurinn sem tók gildi 30.nóvember sl. nær yfir ferskt og frosið kjöt og fisk, unnar kjöt- og fiskvörur, álegg í neytendapakkningum, ferskt grænmeti og ávexti auk kaffi- og fundaveitinga þ.m.t gos og ávaxtasafa.

Flokkar útboðsins voru:

1.   Kindakjöt

2.   Nautgripakjöt

3.   Svínakjöt

4.   Annað kjöt (s.s. kjúklingur)

5.   Fiskur

6.  Unnar kjöt- og fiskvörur

7.   Hráar/soðnar saltaðar vörur

8.   Álegg í neytendapakkningum

9.   Grænmeti og ávextir

10. Gos, sódadrykkir og ávaxtasafar

11. Kaffi- og fundarmatur (samlokur, bakkelsi o.fl.)

Samið var við eftirfarandi aðila:

Bananar, www.bananar.is, Esja kjötvinnsla, www.esja.is, Ferskar kjötvörur, www.ferskar.is,

Gæðakokkar, www.geadakokkar.is, Kjarnafæði, www.kjarnafaedi.is, Mata, www.mata.is,

Matfugl, www.matfugl.is, Maxí heildsala, www.maxi.is, Norðanfiskur, www.nordanfiskur.is,

Síld og fiskur, sofus@ali.is, Stjarnan (Subway), www.subway.is, Ölgerðin, www.olgerdin.is,

Tafla með skiptingu seljenda niður á flokka: (Smellið á töfluna til að sjá hana stærri)

Á næstu dögum munu Ríkiskaup senda verð- og vörulista ofangreindra seljenda til áskrifenda rammasamningakerfisins. 

Ennfremur munu seljendur hafa sjálfir samband við kaupendur og biðjum við ykkur um að taka vel á móti þessu nýju aðilum að rammasamningakerfinu og söluaðilum þeirra.

Allar nánari upplýsingar um kjör í þessum rammasamningi eru aðgengilegar kaupendum á rammavefnum.

Mynd frá undirritun samnings