Fréttalisti
Nýtt útboð - Rammasamningur um rekstrarráðgjöf
Ríkiskaup kynna nýtt rammasamningsútboð á rekstrarráðgjöf
Rekstrarráðgjöf er að færast í vöxt hjá hinu opinbera þar sem rekstur stofnana og opinberra fyrirtækja tekur sífelldum breytingum í átt til þess sem tíðkast á almennum markaði.
Nú er auk þess tækifæri til að hagræða í ríkisrekstri og auka skilvirknina. Þörf fyrir rekstrarráðgjafa er því engu minni nú en áður.
Af því tilefni hafa Ríkiskaup ráðist í rammasamningsútboð á rekstrarráðgjöf sem bætist í þá flóru rammasamninga um ráðgjöf sem áður hafa verið boðnir út, um lögfræðiráðgjöf, endurskoðun og reikningsskil auk ráðgjafar í upplýsingatækni.
Útboð á rekstrarráðgjöf nær til eftirfarandi flokka:
- Stjórnun og stefnumótun
- Rekstrarráðgjöf um aðferðir, ferla, breytingar og uppbyggingu
- Ráðgjöf um starfsmannastjórnun og símenntun/endurmenntun
- Viðskipta og stjórnunarráðgjöf
Kynningarfundur um útboðið var haldinn í húsakynnum Ríkiskaupa þann 18. nóvember sl. og voru yfir 40 manns sem mættu til að kynna sér fyrirkomulag útboðsins og væntanlegra rammasamninga.
