Nýir rammasamningar um byggingavörur, ljósaperur, plastvörur og raftæki
Mikil tíðindi í byggingavörusamningi !
Nýir rammasamningar um byggingavörur, ljósaperur, plastvörur og raftæki tóku gildi þann 1. september sl.
Stærstu tíðindin í þessu útboði eru væntanlega þau að nú er Húsasmiðjan eini birginn í rammasamningi um byggingavörur.
Í rammasamningi um ljósaperur var samið við Jóhann Ólafsson&Co, Rafkaup, GH Heildverslun og Ískraft, en Rekstrarvörur og A. Karlsson urðu hlutskarpastir í rammasamningi um plastvörur.
Í rammasamningi um raftæki var samið við Heimilistæki og Sjónvarpsmiðstöðina í flokki raftæki I sem inniheldur m.a. sjónvörp, myndbandstæki, myndbandstökuvélar, DVD afspilunartæki, bíltæki, útvarpstæki, hljómflutningstæki, upptökutæki og hljóðkerfi.
Í flokki II sem eru m.a. ísskápar, eldavélar og eldhúsviftur, uppþvottavélar, þvottavélar, þurrkarar og önnur tæki í eldhús var samið við A. Karlsson, heimilistæki og Húsasmiðjuna.
Nánari skiptingu birgja í þessum samningum má sjá í meðfylgjandi töflu.
Allar nánari upplýsingar fyrir kaupendur um þessa samninga er að finna á rammavef Ríkiskaupa.