Fréttalisti
Nýr rammasamningur um túlka- og þýðingaþjónustu
Fyrsti rammasamningur ríkisins um túlka- og þýðingaþjónustu
Undirritaður hefur verið rammasamningur um túlka- og þýðingaþjónustu.
Samið var við eftirfarandi aðila:
Alþjóðahús og Intercultural Ísland ehf. í flokkum A og C.
Markmál ehf. og Skjal ehf. í flokkum C og D.
Þetta er fyrsta rammasamningsútboð ríkisins á þessari tegund þjónustu og eru miklar vonir bundnar við samninginn.
Ríkiskaup, fyrir hönd áskrifenda að rammasamningakerfi Ríkiskaupa sá um útboðið.
Þörf hins opinbera fyrir túlkun og þýðingar hefur aukist mjög á undanförnum árum af ýmsum ástæðum.
Í ákveðnum tilvikum er um að ræða lögboðinn rétt borgaranna til túlkunar, en í vaxandi mæli er um að ræða frumkvæði hins opinbera til að gera margvíslegar upplýsingar aðgengilegar á fleiri tungumálum.
Útboðinu var skipt upp í eftirfarandi þjónustuflokka (útboðsflokka):
A. Almenn túlkaþjónusta
B. Þjónusta löggiltra dómtúlka
C. Almenn þýðingaþjónusta
D. Þjónusta löggiltra skjalaþýðenda
Heimilt var að bjóða í einstaka hluta (þjónustuflokka) útboðsins. Undanskilið þessu útboði eru táknmálstúlkun sem og þýðingar sjónvarpsefnis fyrir RÚV ohf.
Fimm tilboð bárust frá jafnmörgum aðilum þó ekkert í flokk B sem er þjónusta löggiltra dómtúlka.
