Fréttalisti
Nordnet ráðstefnan 2007
Ráðstefnan er haldin 26-28. september á Hótel Nordica.
Í samvinnu við Háskólann í Reykjavík hafa valist á ráðstefnuna heimskunnir fyrirlesarar á borð við fjármálasérfræðinginn Prof. Mark Williams frá Boston University og framkvæmdasérfræðinginn Dr. Marc Sachon frá IESE.
Íslensku aðalfyrirlesararnir eru ekki síður áhugaverðir en þeir eru Dr. Guðfinna S. Bjarnadóttir alþingismaður og Baltasar Kormákur athafnamaður, leikstjóri, framleiðandi og leikari.
Í fyrirlestrum verður fjallað um verkefni og áhættu frá ólíkustu sjónarhornum s.s.:
- Áhættustjórnun í fjármálaþjónustu
- Ófyrirséða atburði og áhættu
- Verkefnastjórnun við Kárahnjúkaverkefnið
- Sálrænar hindranir nýsköpunar og aðferðir til að yfirstíga þær
- Fræðilegt yfirlit áhættustjórnunar í verkefnum
- Bankastarfsemi og áhættustjórnun – fortíð, framtíð og nútíð
- Djúpborun á Íslandi, samvinnuverkefni yfir 100 vísindamanna og verkfræðinga
- Áhættu sem felst í því að velja fólk í verkefnishópinn
- Framleiðslustjórnun m.v. breytilega eftirspurn
- Árangursrík samskipti í verkefnishópi
Athygli er vakin á því að allir fyrirlestrarnir fara fram á ensku.
Frekari upplýsingar, s.s. ítarlega dagskrá ásamt upplýsingum um fyrirlesara og fyrirlestra og skráningarsíðu er að finna ávef ráðstefnunnar : http://www.congress.is/nordnet2007
Fjölmörg fyrirtæki leggja ráðstefnunni lið, þau helstu eru Landsnet, Háskólinn í Reykjavík, Landsvirkjun og RARIK. Á heimasíðu ráðstefnunnar er að finna tæmandi lista yfir styrktaraðilana.
Nánari upplýsingar veita Guðmundur Hannesson, sími 530-1400 / 693-1424, gh@rikiskaup.is og Sigurlína Ingvarsdóttir sími 694-9732, lina@ccpgames.com.
