Fræðsluröð

Hvernig notum við rammasamninga ?

Fræðsla og viðburðir 2012

Áfram verður unnið með þá viðburði sem hafa verið í mótun sl. ár; þ.e. „Skrifstofan og skólinn“, „Rekstur bifreiða og fasteigna“, Eldhúsdag Ríkiskaupa“ og „UT og fjarskipti“. Þjónustu- og ráðgjafarsamningum verði fundinn staður í þessum viðburðum, eftir því sem við á.

Eitt megin markmiðið með þessari framsetningu fræðsluviðburða eða fræðslulína er að sinna þörfum og kröfum markaðarins og kaupenda. Þannig er einnig auðveldlega hægt að gera ákveðnum samningum góð skil og aðrir samningar sem ekki þurfa sérstaka kynningu fljóta með og njóta góðs af.

Fyrirkomulag þessara viðburða verður mismunandi eftir aðstæðum og umfangi, ýmist með þátttöku seljenda eða minni viðburðir og kaupendakynningar. Stefnt er að því að hafa stærri viðburði með þátttöku seljenda annað hvert ár eða eftir því sem umhverfið kallar á. Lögð verður áhersla á að draga fram vistvæn atriði samninga þar sem það á við. Reynt er koma til móts við þarfir viðskiptavina, jafnt kaupenda sem seljenda og jafnframt taka tillit til líftíma og reksturs einstakra samninga eða samningsflokka.

Á haustmánuðum 2012 verða haldnar tvær stórar kynningar með þátttöku seljenda „Skrifstofan og skólinn“ í september og „Eldhúsdagur 2012“ í nóvember.
Kynningu á ráðgjafar- og þjónustusamningum verður framhaldið á fundarröðinni "Ríkiskaup síðdegis" þar sem seljendum og kaupendum er boðið í kaffi til Ríkiskaupa og málin rædd.